Mukhtaar's Web Page

Abshir Bacadle oo Jawaab ka bixiyey hadalkii Feysal Cali Waraabe iyo Xabsigii Zam-Zam (Gabay)

Beel yahay gadoodayoo go’daydoo gabar ku ciil beeshay

Dhegeyso Gabaygii Abshir Bacadle Samsam

Faysal Cali Waraabe

Inj. Faysal waxa uu arinta Samsam ka yiri: Looma baahna "in arrintan Maxamed Xaashi laga dhigo tii Samsam oo kale oo aan lagu mashquulin" waxana uu intaas ku daray "in wakhtigii lagu lumiyay waxaan sakaaro ka biirsan, laga soo bilaabo doodii Caqli Keen la baxday, Shirkii burco ee dhakhaatiirta ee Burco, Samsam iyo arrintan Ina Xaashi ee imika..." [waxa uu Hadalkaas ka yiri shir lagu qabtay Bristol, UK, Dec 19, 2004]

Fahad Yaasiin waxa uu yiri: "Gabadh yar oo Samsam la yiraahdo ayaa muddo dheer ku jirta xabsi Hargeysa ku yaal, arinteedana waxaa ka hadlay qolyihii Xuquuqul Insaanka ee aad mar gabayga ku maagtay. Su'aashuse waxay tahay Bacadle muu u gabyo qolyaha gabadhaas haysta." Faaladii Dec 27, 2004

Abshir Nuur Faarax Waa abwaan Soomaaliyeed oo laga yaqaan dalka gudihiisa iyo dibaddiisa mar walbana gabay ku cabira xaaladda markaas taagan, wuxuuna gabaygaan ku cabbirayaa ama ku dhaliilay hadalladii ka soo yeeray Feysal Cali Waraabe oo ku aaddan gabadhii Zam-Zam Axmed Ducaale oo ah gabar aan hubeysnayn isla markaana gashay guri nin madax ah, dambina looga dhigay gelidda gurigaasi, wuxuuna aad uga xumaaday markii gabadhaasi gurigiisa laga jiitay uuna awoodi kari waayay inuu yiraahdo gabadha hala sii daayo. taasoo keentay in gabadhaasi la xiro isla markaana Maxkamad la soo taago Wuxuu sheegay Abshir Bacadle sababta loo xirey gabadhaas ay tahay in Reer Waqooyigu ay doonayaan inay sameeyaan wax fool xumo ah oo ay ku nacaan reer koofureedka.

Abshir Nuur Faarax waxa kale oo arrinta gabadha ku baraarujiyay Weriye Fahad Yaasiin oo todobaad ka hor qoray maqaal uu hal-ku-dhig uga dhigay (Gabyaagii Wahaabiyada maxaa hadal looga waayay).

Abshir Nuur Faarax (Bacadle) wuxuu ku dhashay Degmada Mustaxiil ee Zone-ka shanaad ee Soomaalidu dagto ee Itoobiya sannadkii 1946-kii, wuxuuna weligiis ku dhex jiray ganacsiga, wuxuuna gabayga uu ka tiriyay Zam-Zam ku billaabay sedan:

Ma aha Feysaloow goosashadu reero kala guuray
Oo arigi kala guranayoo geeli kala soocday
Oo xoolihii kala geddiyoo gobolba meel aaday
Oo awrku maqashii ku guray xariggana u giijay
Mar uun buu nikaaxani guntamay gaasir ma ahayne
Gundhiggiyo heshiiskii la galay miyaadan soo gaarin
Gu’gaagaa yar ee Feysaloow gacaloow aashaada
Inaad gacan labaad doorataa kuuma soo geline
Afartaa intaan kaga gudboo waan gunaanadaye
Maxkamaddiini gabar lagu habsaday gadatay dhiiggeeda
Go’aankeedii nacasnimo ma waan gobi ka shuureynin
Ma golayaashii iyo guurtigibaa garasho naafoobay
Ma gablamay Cigaal ficil xun waa laga gadoodaaye
Guddiga habar-magaadlahoo wanjalay gabaraan qaan-gaarin
Oo si ay god ugu sii ridaan weli la goobaaya
Wax taariikhda galayaa jiroo lagu gumoobaaye
Ku gaar-yeela ficilkaa ninkii gabadha eedeeyay
Gaangeeti jaqaleysigii waydin gaasiraye
Geenyada yaroo soo martiday guriga sheybkiinna
Amay gabadhu ka hinaastay waa gob iyo xeerkeede
Oo odaygu garan waayay waxa gubaya xaaskiisa
Haddii gogosha lagu hiifayoo lagu gantaaleeyay
Gar maahayn inuu gabadha xiroo cadow u geeyaaye
Go’aankiisa nacasnimo mawaan gobi ka shuureynin
Nebi Yuusuf wixii gaaraybaa meesha soo galaye
Zam-Zamna kiis ma gelin ee Maseyr guuxayaa xiraye
Guntii hadalku waa kaa haddaad garan kareysiine
Beel yahay gadoodayoo go’daydoo gabar ku ciil beeshay
Oo inan yaroo guri gashay ay kaga gariirsiisay
Oo garan waayay wuxu waa gabaraan wax idin gaarsiinin
Ma weydnaan gabdhaha sharaf u hayn garasho yeelkeede
Gun iyo baar ma gaangeetigaa gubaya ruuxiinna
Gobos-nowdii xabashida miyaa tan idin gaarsiisay
Gablan talo adduuneey maxaa galaya Taariikhda
Gacal ma lahan nabad-sugiddu waa shuuci gaamuraye
God buu idinku riday odaygii aad garabsanayseene
Geenyada darmaantaa rag waa gacalo eegaaye
Waxaan gacani qaban baa jiroo Gobi ka sheexdaaye
Mar waa gabar, mar waa idiin gayaan, mana ay qaan-gaarin
Marna guri Nin weyn bay gashoo waad u gudubteene
Hubna gacanta kumey sidane waad gubi lahaydeene
Gun miyaad tihiin ficil xun waa laga gadoodaaye
Saqiir magan il-galacle ah miyey idin ka geyn weyday
Maxaa gabar qariibahoo martiya loo argaagixiyay
Afartaa intaan kaga gudboo waan gunaanadaye
Lixdankii nikaaxi aan galnood gacanta soo taagtay
Anna aan guddoon kugu aqbaloon kaawada u giijay
Guntana aan badweynta u dhignaa goo is leedahaye
Ma gil-gili kadhiin boqon sanoo gocosho riintiine
Halkaan feylashiinni u gudbiyay amase gaarsiiyay
Feysaloow ma gaadhiin Tikrena garanba maayaane
Inaad naga go’diin iyo bal daa gaalo raacnimo e’
Gundhiggiyo heshiiskii adigu amaadan soo gaarin
Gulufkiyo hinaaskiini waa soo gabaabsadaye
Go’aankii Tikrihu Feysaloow waa gabaa hirige
Gidaar adag ragbaa u dhigay si aan la iiga kaa goyne
Intey caradu gaagixi un baad gooni joog tahaye
Inaan gacan labaad kuu fasaxo iima soo geline

>>>>>>>>>>>>>>>>> Abshir bacadle

JAWAAB KU SOCOTA ABSHIR BACADLE

Cabdillaahi Cawed Cige, Liverpool UK
Email: edleh@hotmail.com

Cabdillaahi Cawed Cige

“Gobannimo”

Tixdan gaaban oo magaceeda la yidhaahdo “Gobannimo” soona baxday 8dii January 2005 waxa ay ka jawaabaysaa gabayga Abshir Nuur Faarax(Bacadle) uu ka tiriyay gabadha Hargeya ku xidhan.

"Gobannimo"

1. Gaafmeeray maalmahan sidii; Goosad lay yidhi,

2. Nin uun baa gartaydana ogoo; Dedaya uun goore!!!

3. Abshirow guyaalladan ma tirin; Gabay xidhiidhkiiye,

4. Geeraar ma soo curin intaan; Gudiyay qaafkiiye,

5. Godka lagu negeeyiyo ka tegay; Gobolladiisiiye’

6. Galladdiisa niman baa badshaan; Sii guraay idhiye’

7. Waxse maanta igu soo gingimay; Maanso gelisteeda’

8. Gujadaada weeyee bal aan; Galalka baadhbaadho!

9. Garta inanta lagu foororshiyo; Kiiskan go’iwaayay’

10. Sheekada galbeed iyo Nugaal; Geeskastaba dhaaftay’

11. Gasac iyo xumaha lays marshiyo; Hadalka geesaasan

12. Gurrac iyo inuu khalad ku jiro; Kuu garawsaniye’

13. Hayeeshee Guhaaddiyo halkaad; Gelisay baaruudda’

14. Magaadliyo godkaad taabataan; Gocanayaa mooyi

15. Tolka aad go’aan wada sudhaan; Gocanayaa mooyi!

16. Godobtaad Isaaq taarataan; Gocanayaa mooyi!

17. Lixdankaad ku goobyaashay baan; Goconayaa mooyi!

9. Garyaqaanno loo soo xuloo; Geydhka wada taagan

10. Guddiyada xuquuqdoon marqudha; Goynin hadalhaynta

11. Gadhcas iyo aqoonyahan shiriyo; Ururro guuxaaya

12. Miyaanaan gob lama caasiyee; Gabadha taageerin?

13. Miyaanaan go’aammiyo ka qorin; Xeerar wada geydhan?

14. Miyaanaan xilkii nala gudboon; Garannin dawgiisa?

9. Gar ilaah taqaan baa Islaam; Gole ka naadshaaye’

10. Garaad diin leh baan kuu maqliyo; Caalin gaammuraye’

11. Misna taadu good iyo ka daran; Guba ku nooleeye’

12. Iyadoo geyiga aan fadhiyo; Culimo guurayso’

13. Oo ay diintu gaashaan u tahay; Gebi astaantayda’

14. Gacalkaaga anigoo ah iyo; Garabka xooggiisa’

15. Maxaad gaalo ii daba-dhigtiyo; Xabashi gaankeeda?

16. Gabaygii wadaadkii miyaan; Lagaba guuraynba?

17. Gefka aniga lay bado miyaan; Qalin geyaa joogin?

33. Gobollada isdiidiyo anoon; Gelin ammuur sheexan

34. Dhulkaad tayda geysiyo anoon; Gacantogaalaynin

35. Badahaas guntoodiyo anoon; Gaadhin dhagartaada

36. Taariikhda guunka ah anoon; Dib ugu guuraynin

37. Gelin hore wixii dhacay bal aan; Guudmar ugu laabto!

38. Guudkayga nabarraa ku yaal; Boogo gaammuraye’

39. Feedhaha goshayduu damqaa; Weli gunaadkiiye’

40. Gurbood iyo dhallaan lama hambayn; Gawricii dhacaye’

41. Gabadh ugub ah, oday gaabiyoo; Socodka goynaaya’

42. Gadhcasiyo dhallaan kama ay tegin; Gaasaskii helaye’

43. Gooddiga Wajaaliyo, Burciyo; Go’o nawaaxeeda’

44. Guudka Ceerigaabiyo, Berbera; Godanka Shiikh yaallo’

45. Gabaahiir Hargeysaa la baday; Maalin gelinkeede’

46. Gaal baaba loo soo dalbaday; Gelelefkaygiiye’

47. Guullaha Raxmaankaa baxshiyo; Geeljirii kacaye’

48. Inaan gaag ka hadhin baa tashiga; Loo guddoonsadaye’

49. Intaas oo guhaad igu dhacdiyo; Aafo igu geydhan’

50. Inaan godob ku seexdiyo ma rabo; Aano iyo giire’

51. Goosashada adaan Faaraxow; Gawska ku adkaynin’

52. Gar ninkii akhriyay waa inuu; Xaqa ku gooyaaye’

53. Gobollaa israaciyo mar bay; Garo irmaanaatay

54. Waxba beri gu’ baa lays ogaa; Gaawe haw culanne’

55. Godkaas waxa fadhida xaajo aan; Laga geyoonayne’

56. Laba gudub ahaatoo tolnimo; Guudka ka wadaagta’

57. Geelaaga oo kuu tarmiyo; Kayga garabjooga’

58. Gacal, gacal hantiyay ay farxadi; Gunudday laabtiisa’

59. Gobannimo bartaasay jirtaa; Garashadeed qaado’

60. Geeraarka maantana waxaan; Talo ku soo gooyay

61. Gacalow ha marin surimadaad; Gabayga qaadsiiyay

62. Anna gocasho taan qabo xumaan; Ha igu gaadhsiinnin’

Nabaadiino

>>>>>>>>>>>>>>>>GOBONIMO

GARSOOR (Gabay)

Cumar Cabdinuur Nuux – Nabaddoon
omarabdinur@hotmail.com
London – UK, 13.01.2005

Gabaygaan “GARSOOR” wuxuu soo baxay taariikda kor ku qoran, waana aragti iyo tusaaleyn ku aaddan qaddiyad bilahaanba qabsatay saxaafadda Soomaalida, oo ah inanta yar ee ku jirta jeelka magaalada Hargeysa. Ujeedada ugu weyn ee gabaygaan loo tiriyey waa ka hortag fidno-gabayeed ka dhalan karta suugaan qabyaaladeysan oo aan gabadha xiran iyo qaranka Soomaaliyeed midna u adeegaynin. Gabaygu wuxuu isku dayayaa in uu u garsooro labada dhinac ee gabayaaga ilaa hadda ka gabyey arrintaan ee dhanna Abshir Bacadle bilaabay dhanka kalana Cabdillaahi Cawed Cige. Ugu danbeyntii wuxuu gabaygu ku talinayaa in halkaas lagu hakiyo afkahadalkaan gabayeed is aan Guba cusub oo heer qaran ah uga dhalan, taas oo aan aahkiro iyo adduunyo midna dan ugu jirin ummadda Soomaaliyeed ee tabaalo ku filan horay u soo gaartay. Wuxuu yiri:

Gabadhii agoontee martiday, gacalka kay moodday
Ee jeelka lala gaadhay ee, gaalshiraha jiifta
Ee godobta wayn laga galee, gocasho ooyaysa
Nin kastoo garaad lihi middaas, waa ka gubayaaye
Gurmad kale haddaan heli karayn, galabta aan joogo
In Ilaahay gacansiiyo oo, gabanta soo daayo
Oo caafimaad lagu gallado, cudurna soo gaarin
Oo samirka garansiiyo ooy, gowska ku adkayso
Geeraarro wixii aan kariyo, gabayga mooyaane
Guullaha Ilaah wow baryiye, inanta gaarsiiya.
Xaajadaan gurracan ee dad badan, gees walba u qaaday
Ee gudaha iyo dibad mar hore, hadalku uu gaaray
Ee Guba sideedii la rabo, gabay la hayb raaco
Intaan xaalku googaale noqon, gaasna lagu daarin
Garnaqsiga bilowgaa intaan, xumo la gaarsiinin
Garsoor iyo xil bay mudantihiyo, xeelad guda wayne
An gunaanadoo eray ku daro, garasho waa qaybe.
Abshir Bacadle gabayguu tirshaan, guudka soo marine
Inuu gabadh u hiilliyo ma xuma, oo waa gob taladeede
Ha yeeshee hal uu geesmaroo, gaabshay baa jiraye
“Beelyahay gadooddoo go’doo, gabar ku ciilbeeshay”
Iyo hadalka guud ee bulshada, lagu garaaxeeyey
Gardarreysigaas baan arkaye, gabay ma doonteene
Gobta Habar-magaadlood ma oran, gabadha aafeeya
Ama jeelka geeyoo ku xira, guri ibliis joogo
Gafanaha cayiley baa xukuma, gobolka aad sheegtay
Gaandheri direys loo gashuu, gorofku haystaaye
Garyaqaanno doodaa jiroo, jeelka loo guraye
Qaar bay ilmadu gobo’ tiraa, oo ka go'ay quude
Gama’iina qaar baa ka tagay, gogol firaashkeede
Ururraa gurmaday oo kacoo, dunida gaarsiiyey
Qoraallaana taariikhda galay, laga gariiraaye
Guurtina dadaal kuma yaree, gacalle aashaada.
Inaad gabar u dooddaa walaal, gabarna eedeyso
Oo guriga oorida la tagay, gogol ka sheekeyso
Oo hinaase gaamuray dhahdaa, baa gaddaa dhigaye
Gablan malo-awaal gabayga waa, gaabinahayaaye
Gunta iyo ujeeddada ayuu, gees ka marayaaye
Go’aankii maxkamaddaa ku filan, gacantogaaleyne
Aan ka gudubno ceebaal qarsoon, gole ka sheegeeda.
Afartaas gorfeeyaye haddaan, gobo’ yar raacsiiyo
Garsoor iyo xil bay mudantihiyo, xeelad gudaweyne
An gunaanadoo eray ku daro garasho waa qaybe
Cabdi Cigana gabayguu marshaan, haatan galayaaye
Guuldarradiyo ciilkaad qabtee, gubaya laabtaada
Gabaahiir Hargeysada la baday, maalin gelinkeeda
Ee gaalo loo soo dalbaday, madax garaaceeda
Gef inay ahayd ruux inkiray, waa garaad dhimmane
Gummaadkaa kuwii gaystay ee, gaabshay ehelkeena
Gurigaaga qaar baa fadhiya, iyo gadaashayda
Inaan goobno soo wada xirroo, xeer u wada goyno
Ama aan cafinno gabi ahaan, wa ay gudboonayde
Mid gardaadso midna guluf ku kici waa gurracan taase
Kala guurka meeshaas ha gelin, waa gar waanaduye
Gabar yara haddii ay intaas, jeelka gudihiisa
Gardaduub u xirantoo dulmigu, guudka sare dhaafay
Go’aankaasna uu yahay miduu, gaaray madaxweyne
Iyo garabcastiisiyo kudkude, gooya taladiisa
Mar haddii miskiintaa la gabay, hiil u gunudkeeda
Ehelkeenni kuwii gaabiyee, ina gabraaraayay
Ee dummiyay guriggeenna baa, guudka noo surane
Ooy wali geddoodii wadaan, loona gaardiyiye
Gobonnimo inaan kaa maqlaa, waa i gali wayday!
Garbadhiiglaheennii horee, geesh dhan kicinaayay
Ee gobolba maantuu ku baxo, gowda kaga saaray
Guhaadkiyo dhibkii uu faliyo, wuxu gummaadaayay
Intay Koonfur geed ugu shirtoo, hiil isugu geysay
Hargeysaan gubaynaa ma oran, godanki kheyraade
Gar ilaahay waa loo Islaam, waadna garataaye
Gacalkaaga shacab wada ahoo, garabsigaa dooni
Oo gabi gantaal lala dhacoo, qaar gablamay buuxo
Giriifkiyo gujada hoose iyo, iga gaddoon maanta
Waxa godobta loo saarayaa, waa i gali wayday!
Afartaas gorfeeyaye haddaan gobo’ yar raacsiiyo
Garsoor iyo xil bay mudantihiyo, xeelad gudaweyne
An gunaanadoo eray ku daro, garasho waa qaybe
Galbeed iyo Waqooyiyo Bariyo Koonfur gudaheeda
Gacal iyo walaal baa dhammaan, garab ku naafoobay
Meel kastaba mid baa gudin afweyn, gooyey xididkiiye
Meel kastaba mid baa eed ka galay, goortu maamulaye
Meel kastaba gabdhaa lagu wanjalay, goor habeen dumaye
Ama guud-cirroolaa la dilay, guluftankeenniiye
Dugaag aannu gacal moodnay baa, giigay hilibkeenne
Indheergaradki arrin goyn jirana, waa la gowracaye
Ma gudbaa dalkeennii u haray, garasho liitaahe
Waxba shacabka yaan loo gafine, gabayga meekhaansha.
Afartaas gorfeeyaye haddaan gobo’ yar raacsiiyo
Garsoor iyo xil bay mudantihiyo, xeelad gudaweyne
An gunaanadoo eray ku daro, garasho waa qaybe
Niman guuxayaa muuqda oo, soo garwaaxsadaye
Anaa goba, adaa guna, anaa wiil Garaad dhalaya
Haduu xaalku gobolaysi galo, amase beel gaaro
Ooy teenni guud baylah tahay gabaygu naafoowye
Geyigeennu waa iib haddaad, garankareysaane
Ka guntada si aan loo gumayn, qaran gu’ weynaaye
U guntada si aan gabar dambaba, loogu gacan qaadin
Haddii kale ka gaabsada fidnada, Guba ku haasowga
Godkii iilka iyo waxa dambayn, goob xanuun badane
Guullaheen ka yaaboo ragyahow, gaabsha hadalkiinna
Aniguna garsoorkii murtida waan, gunaanadaye
Gabayguna ku xiran maansadaan, gacallayaaloowe.

**********Dhammaad*****************

Cumar Cabdinuur Nuux – Nabaddoon
omarabdinur@hotmail.com
London – UK, 13.01.2005

>>>>>>>>>>>>>> GARSOOR

Lixdan kii Ummad Gees aheyd

cumar maxamuud maxamed (baarqab)
baarqab5@hotmail.com

Marka hore waad salaman tahiin bahda website ka somalitalk, waxaan ahay mid ka mid ah abwaanada somaliyeed ee qurbaha ku nool magaceyga oo buuxa waa (cumar maxamuud maxamed) oo ku magac dheer (baarqab) waxaan doonayaa in aan halkaan ku soo bandhigo gabay jawaab u ah gabaygii abwaan ka weyn ee soomaliyeed (abshir nuur faarax ) bacadle) gabay gaas oo magaciisu ahaa (Beel yahay gadoodayoo go’daydoo gabar ku ciil beeshay), waxaan doonayaa haduu rabi ogolaado inaan halkaan ku soo bandhigo madaama aan ahay abawaan soomaliyeed, sababta ama u jeedada gabayga maaha in aan abwaanka lid ku ahay ama aan ka soo horjeedo ee waxaa igu kalifay gabay gaan in aan curiyo dadkii gefka geystay kuma ekaan gabaygu waadna mahad san tihiin walaala yaal waana kan gabaygii oo dhan.

magaca gabaygu waa (lixdan kii umad gees aheyd)

abshiroow gabaygu marbuu kula tagaa godobna reebaaye
ninwalibana garaad kiisuu hadlaa garasho waa meele
gefef kuna marbeey kaa dhacaan adoon u guuxeyne
marka hore dib uga guro xumahaad galisay tariikhda
maanso waan u guuxaa inbadan waan gareys nahaye
hayeeshee gabyaa sare waataad aheyd gu'u iyo jilaalee
faysal ku gaar yeel xumaha intii geysatuu qabane
reerahana hakala geyn sharafbaa loo guntaa xarige
gobtu ways taqaan ragoow gees walbood eegto
nimuu walaalkii ganahayoo gees u riixaayoo
ama uu garbaduub intuu u xiray geeyay meel geesa
ogoow marbuu gacalka dhamaa gaalka aad sheegtay
gundhiga iyo u jeedada hadaan qalinka gaarsiiyo
gartu alee taqaanaa goor kastooy tahe
gilgishaye aan ku faro xaal inaad geeyso
gob iyo gaan geetahoon isqaban wuu i gali waayay
ninkii gafa lama daba galoo looma guumeeyoo
guushuu kaa heelaa markaad gumuc ku tuurtaaye
sidii godka loogu rido amase loo gaado
maskaxdaa go'aan laga dayaa gama'a howdiidin
intaa waan gor feeyaye midkale iga gudoon maanta
guri wiixii soo dumiyo dhibkii soomali kala gaaray
abshiroow gu'u iyo deyr wixii lays gumaadaayay
gandhari wuuxuu hooya dilay isaaq wuu ka gaar yahaye
sharafbuu gobal iyo dhuulkii goostay kaligiiye
inagaa is gooy naye raggaa yaan la gaaxine
godobteena aan dhaqnoo tolkeen yalasii gubine
geesi wuu garqaataa kolkii dagaal lagaga guuleysto
adiguna gadii lagugu yiqiin waad gadaal dhaaftay
gumaadkiyo xasuuqii miyaad garasho beel gaadhay
reer waqooyi hadii lala garamo ama garaab yaalo
inagaa gumeeynoo colaad geesta kala raacnay
nin walboo gor feeyana gardaraa geesta naga taala
waagii baryaba ragii tang lagu garaacaayay
koofur oo gurmada dadkaan geynay xeradadooda
inaan wali usii goodinaa waan ka gaabsadaye
lixdankii umad gees aheyd gacal ku soo maagay
oo gogoshaadii kuu yimid calana kuu geeyay
oo aan abaal kood la gudin lana garafeyay
inaan wali usii goodinaa waan ka gaabsadaye
faysal god iyo qool haduu mool is galinaayo
garaabada iyo ninkii la qaba madax garaaciisa
isagaa goor danbaba ku dhici hadaamuhuu maanta goobaaayo
beeshase in loo gudbaa waan ka gaabsadaye
goos goosan meynee qabiir soo gubtaad tahaye
aniguna hadaan soo galoo waan gardaad sadaye
dib u goco abshiroow wey gudboon tahaye
inaan kula gabyana xaajiyoow waan ka gaabsadaye

cumar maxamuud maxamed (baarqab)
baarqab5@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Jan 11, 2005

Lixdan kii Ummad Gees aheyd

cumar maxamuud maxamed (baarqab)
baarqab5@hotmail.com

magaca gabaygu waa (lixdan kii umad gees aheyd)

abshiroow gabaygu marbuu kula tagaa godobna reebaaye
ninwalibana garaad kiisuu hadlaa garasho waa meele
gefef kuna marbeey kaa dhacaan adoon u guuxeyne
marka hore dib uga guro xumahaad galisay tariikhda
maanso waan u guuxaa inbadan waan gareys nahaye
hayeeshee gabyaa sare waataad aheyd gu'u iyo jilaalee
faysal ku gaar yeel xumaha intii geysatuu qabane
reerahana hakala geyn sharafbaa loo guntaa xarige
gobtu ways taqaan ragoow gees walbood eegto
nimuu walaalkii ganahayoo gees u riixaayoo
ama uu garbaduub intuu u xiray geeyay meel geesa
ogoow marbuu gacalka dhamaa gaalka aad sheegtay
gundhiga iyo u jeedada hadaan qalinka gaarsiiyo
gartu alee taqaanaa goor kastooy tahe
gilgishaye aan ku faro xaal inaad geeyso
gob iyo gaan geetahoon isqaban wuu i gali waayay
ninkii gafa lama daba galoo looma guumeeyoo
guushuu kaa heelaa markaad gumuc ku tuurtaaye
sidii godka loogu rido amase loo gaado
maskaxdaa go'aan laga dayaa gama'a howdiidin
intaa waan gor feeyaye midkale iga gudoon maanta
guri wiixii soo dumiyo dhibkii soomali kala gaaray
abshiroow gu'u iyo deyr wixii lays gumaadaayay
gandhari wuuxuu hooya dilay isaaq wuu ka gaar yahaye
sharafbuu gobal iyo dhuulkii goostay kaligiiye
inagaa is gooy naye raggaa yaan la gaaxine
godobteena aan dhaqnoo tolkeen yalasii gubine
geesi wuu garqaataa kolkii dagaal lagaga guuleysto
adiguna gadii lagugu yiqiin waad gadaal dhaaftay
gumaadkiyo xasuuqii miyaad garasho beel gaadhay
reer waqooyi hadii lala garamo ama garaab yaalo
inagaa gumeeynoo colaad geesta kala raacnay
nin walboo gor feeyana gardaraa geesta naga taala
waagii baryaba ragii tang lagu garaacaayay
koofur oo gurmada dadkaan geynay xeradadooda
inaan wali usii goodinaa waan ka gaabsadaye
lixdankii umad gees aheyd gacal ku soo maagay
oo gogoshaadii kuu yimid calana kuu geeyay
oo aan abaal kood la gudin lana garafeyay
inaan wali usii goodinaa waan ka gaabsadaye
faysal god iyo qool haduu mool is galinaayo
garaabada iyo ninkii la qaba madax garaaciisa
isagaa goor danbaba ku dhici hadaamuhuu maanta goobaaayo
beeshase in loo gudbaa waan ka gaabsadaye
goos goosan meynee qabiir soo gubtaad tahaye
aniguna hadaan soo galoo waan gardaad sadaye
dib u goco abshiroow wey gudboon tahaye
inaan kula gabyana xaajiyoow waan ka gaabsadaye

cumar maxamuud maxamed (baarqab)
baarqab5@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Jan 11, 2005

Lixdan kii Ummad Gees aheyd

cumar maxamuud maxamed (baarqab)
baarqab5@hotmail.com

magaca gabaygu waa (lixdan kii umad gees aheyd)

abshiroow gabaygu marbuu kula tagaa godobna reebaaye
ninwalibana garaad kiisuu hadlaa garasho waa meele
gefef kuna marbeey kaa dhacaan adoon u guuxeyne
marka hore dib uga guro xumahaad galisay tariikhda
maanso waan u guuxaa inbadan waan gareys nahaye
hayeeshee gabyaa sare waataad aheyd gu'u iyo jilaalee
faysal ku gaar yeel xumaha intii geysatuu qabane
reerahana hakala geyn sharafbaa loo guntaa xarige
gobtu ways taqaan ragoow gees walbood eegto
nimuu walaalkii ganahayoo gees u riixaayoo
ama uu garbaduub intuu u xiray geeyay meel geesa
ogoow marbuu gacalka dhamaa gaalka aad sheegtay
gundhiga iyo u jeedada hadaan qalinka gaarsiiyo
gartu alee taqaanaa goor kastooy tahe
gilgishaye aan ku faro xaal inaad geeyso
gob iyo gaan geetahoon isqaban wuu i gali waayay
ninkii gafa lama daba galoo looma guumeeyoo
guushuu kaa heelaa markaad gumuc ku tuurtaaye
sidii godka loogu rido amase loo gaado
maskaxdaa go'aan laga dayaa gama'a howdiidin
intaa waan gor feeyaye midkale iga gudoon maanta
guri wiixii soo dumiyo dhibkii soomali kala gaaray
abshiroow gu'u iyo deyr wixii lays gumaadaayay
gandhari wuuxuu hooya dilay isaaq wuu ka gaar yahaye
sharafbuu gobal iyo dhuulkii goostay kaligiiye
inagaa is gooy naye raggaa yaan la gaaxine
godobteena aan dhaqnoo tolkeen yalasii gubine
geesi wuu garqaataa kolkii dagaal lagaga guuleysto
adiguna gadii lagugu yiqiin waad gadaal dhaaftay
gumaadkiyo xasuuqii miyaad garasho beel gaadhay
reer waqooyi hadii lala garamo ama garaab yaalo
inagaa gumeeynoo colaad geesta kala raacnay
nin walboo gor feeyana gardaraa geesta naga taala
waagii baryaba ragii tang lagu garaacaayay
koofur oo gurmada dadkaan geynay xeradadooda
inaan wali usii goodinaa waan ka gaabsadaye
lixdankii umad gees aheyd gacal ku soo maagay
oo gogoshaadii kuu yimid calana kuu geeyay
oo aan abaal kood la gudin lana garafeyay
inaan wali usii goodinaa waan ka gaabsadaye
faysal god iyo qool haduu mool is galinaayo
garaabada iyo ninkii la qaba madax garaaciisa
isagaa goor danbaba ku dhici hadaamuhuu maanta goobaaayo
beeshase in loo gudbaa waan ka gaabsadaye
goos goosan meynee qabiir soo gubtaad tahaye
aniguna hadaan soo galoo waan gardaad sadaye
dib u goco abshiroow wey gudboon tahaye
inaan kula gabyana xaajiyoow waan ka gaabsadaye

cumar maxamuud maxamed (baarqab)
baarqab5@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Jan 11, 2005

Lixdan kii Ummad Gees aheyd

cumar maxamuud maxamed (baarqab)
baarqab5@hotmail.com

magaca gabaygu waa (lixdan kii umad gees aheyd)

abshiroow gabaygu marbuu kula tagaa godobna reebaaye
ninwalibana garaad kiisuu hadlaa garasho waa meele
gefef kuna marbeey kaa dhacaan adoon u guuxeyne
marka hore dib uga guro xumahaad galisay tariikhda
maanso waan u guuxaa inbadan waan gareys nahaye
hayeeshee gabyaa sare waataad aheyd gu'u iyo jilaalee
faysal ku gaar yeel xumaha intii geysatuu qabane
reerahana hakala geyn sharafbaa loo guntaa xarige
gobtu ways taqaan ragoow gees walbood eegto
nimuu walaalkii ganahayoo gees u riixaayoo
ama uu garbaduub intuu u xiray geeyay meel geesa
ogoow marbuu gacalka dhamaa gaalka aad sheegtay
gundhiga iyo u jeedada hadaan qalinka gaarsiiyo
gartu alee taqaanaa goor kastooy tahe
gilgishaye aan ku faro xaal inaad geeyso
gob iyo gaan geetahoon isqaban wuu i gali waayay
ninkii gafa lama daba galoo looma guumeeyoo
guushuu kaa heelaa markaad gumuc ku tuurtaaye
sidii godka loogu rido amase loo gaado
maskaxdaa go'aan laga dayaa gama'a howdiidin
intaa waan gor feeyaye midkale iga gudoon maanta
guri wiixii soo dumiyo dhibkii soomali kala gaaray
abshiroow gu'u iyo deyr wixii lays gumaadaayay
gandhari wuuxuu hooya dilay isaaq wuu ka gaar yahaye
sharafbuu gobal iyo dhuulkii goostay kaligiiye
inagaa is gooy naye raggaa yaan la gaaxine
godobteena aan dhaqnoo tolkeen yalasii gubine
geesi wuu garqaataa kolkii dagaal lagaga guuleysto
adiguna gadii lagugu yiqiin waad gadaal dhaaftay
gumaadkiyo xasuuqii miyaad garasho beel gaadhay
reer waqooyi hadii lala garamo ama garaab yaalo
inagaa gumeeynoo colaad geesta kala raacnay
nin walboo gor feeyana gardaraa geesta naga taala
waagii baryaba ragii tang lagu garaacaayay
koofur oo gurmada dadkaan geynay xeradadooda
inaan wali usii goodinaa waan ka gaabsadaye
lixdankii umad gees aheyd gacal ku soo maagay
oo gogoshaadii kuu yimid calana kuu geeyay
oo aan abaal kood la gudin lana garafeyay
inaan wali usii goodinaa waan ka gaabsadaye
faysal god iyo qool haduu mool is galinaayo
garaabada iyo ninkii la qaba madax garaaciisa
isagaa goor danbaba ku dhici hadaamuhuu maanta goobaaayo
beeshase in loo gudbaa waan ka gaabsadaye
goos goosan meynee qabiir soo gubtaad tahaye
aniguna hadaan soo galoo waan gardaad sadaye
dib u goco abshiroow wey gudboon tahaye
inaan kula gabyana xaajiyoow waan ka gaabsadaye

cumar maxamuud maxamed (baarqab)
baarqab5@hotmail.com

Afeef: Aragtida qoraalkan waxaa leh qoraaga ku saxiixan

Faafin: SomaliTalk.com | Jan 11, 2005

>>>>>>>>>>>>>> LIXDANKII